Abanyamerika baba mu Burundi bagabishijwe

Yanditswe na Egide NDUWIMANA
Kuya 27 Ruheshi 2017 saa 09:33
Yasomwe : 59985
0 0

Reta ya Amerika yagabishije Abanyagihugu bayo baba mu Burundi bo bokwirinda ingendo mu bice bimwe bimwe vy’igihugu c’Uburundi kubera umutekano utifashe neza.

Nk’uko biri mu rwandiko rwasohowe n’ubushikiranganji bw’imigenderanire ya Amerika n’ayandi makungu, Reta ya Amerika yamenyesheje ko umutekano w’Uburundi utifashe neza kubera hoba hari imirwi y’abarwanyi hamwe n’abahoze ku rugamba bavuye muri Repuburika iharanira intwaro rusangi ya Congo, kugira baze guhungabanya umutekano mu Burundi.

Abanyamerika baba mu Burundi basabwe kudafata ingendo mw’ijoro, hamwe n’ukwirinda kugendagenda mu gisagara ca Bujumbura mw’ijoro. Abanyamerika baba mu Burundi babwiwe kandi amakaritiye yo mu gisagara ca Bujumbura bokwirinda gutemberamwo. Ayo nayo ni Musaga, Cibitoke, Mutakura, Kinama, Ngagara, Kamenge, Gasenyi.

Kubw’ubushikiranganji bw’imigenderanire ya Amerika n’ayandi makungu, abanyamerika baba mu Burundi ntibokwizera umutekano usa n’uwuhari ubu, kuko bishobora guhinduka.

Mu giporisi c’Uburundi bavuga ko ibiharuro bihari ubu vyerekana ko umutekano wifashe neza, kiretse ubugizi bwa nabi bwibonekeza mu gisagara ca Bujumbura, bugizwe n’ubusuma bw’abitwaje ibirwanisho, gerenade ziterwa hamwe n’abantu bagandagurwa.


Kumenyekanisha

1
Fredy Ntamarerero 17-10-2017 à 20:28

Iyo n’imwe munkuru abajejwe umutekano bokorerako, n’ambere bavuguko, kubw’integuro zabo.Tubirindire turikauye

2
Müller Peninna 10-07-2017 à 21:28

Ntakigenda Ndabariye, muraba maso mubwitonzi bwamywe buranga Uburundi, mwirinde ibihuha, ntimutwarire hejuru, nyabuna eka Teramira iyo Ngovyi iduhetse ariyo Burundi. Ntayandi mahungiro dufise, akimuhana kaza imvura ihise, iwabo w’umuntu haruta vyose. Twiture YESU wacu. Amen

3
amiri 2-07-2017 à 18:34

ABO BABABAZI IBIHAVA BIBA NARIRYA ARIBO BABIFISEMWO URUHARA KUMABI AKORERWA ABARUNDI N’UBURUNDI

4
BANZUBAZE 27-06-2017 à 12:01

MUGIPORISI MURAGABA KUKO BOBA BABIZI SIBO BABASHIGIKIYE

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha