IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > umutekano > Bubanza : Urugo rw’umukuru w’umugambwe FRODEBU rwatewe

Bubanza : Urugo rw’umukuru w’umugambwe FRODEBU rwatewe

mardi 23 Nyakanga 2014

Uwutwara umugambwe SAHWANYA FRODEBU mu ntara ya Bubanza yaratewe n’abantu bataramenyekana mw’ijoro ryo kuri uwu wa mbere rishira uwa kabiri. Ferdinand SINDAYIGAYA, umukuru w’umugambwe FRODEBU mu ntara ya Bubanza avuga ko yikeka abantu bari bamaze iminsi bamutera ubwoba.

Nk’igihe c’isaha zitandatu z’ijoro ryo kuri uwu wa mbere rishira uwa kabiri, urugo rwa Ferdinand SINDAYIGAYA rwatewe n’abantu bataramenyekana, baca basiga baturiye inzu abamwo. Uwo yatewe amenyesha ko iyo hataba ababanyi banyarutse gutabara, inzu yiwe yari gusha yose, agasaba ko amatohoza yotanguzwa abamuteye bakamenyekana kandi bagahanwa.

Muri ayo matohoza yokorwa, Ferdinand SINDAYIGAYA, umukuru w’umugambwe FRODEBU mu ntara ya Bubanza yikeka abantu babana bari bamaze iminsi bamutera ubwoba ko bazomuturirira mu nzu.

Ferdinand SINDAYIGAYA asaba ko abo bantu bohagarikwa bakabazwa, umutekano wiwe nawo agacungerwa.


Egide Nduwimana

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.