Accueil > Inkino > Amahiganwa > CECAFA 2017 : Intamba mu Rugamba zashitse kwitegurira urukino rw’igice ca (...)
CECAFA 2017 : Intamba mu Rugamba zashitse kwitegurira urukino rw’igice ca kabiri gishira ica nyuma
mercredi 13 décembre 2017
Amakuru ava mu begereye umurwi nserukiragihugu w’Uburundi Intamba mu Rugamba, amenyesha ko abakinyi bose, bari kumwe n’ababaherekeje bamaze gushika mu gisagara ca Kisumu.
Bitegekanijwe ko kur’uyu wa gatatu igihe c’isaha icenda, umurwi nserukiragihugu Intamba mu Rugamba ariho utangura imyimenyerezo yo kwitegurira urwo rukino ruzoba kur’uyu wa kane isaha umunani mu masaha y’i Nairobi ku murwa mukuru wa Kenya.
Abakinyi b’umurwi nserukiragihugu ca Kenya Harambe Stars nabo nyene bamaze gushika mu gisagara ca Kisumu kwitegurira urukino ruzobahuza n’umurwi nserukiragihugu w’Uburundi.
- Abakinyi b’umurwi nserukiragihugu wa Kenya, bururuka indege
Urukino rw’igice ca kabiri gishira ica nyuma rwo kur’uyu wa kane ruzobera ku kibuga mpuzamakungu Moi Stadium.
MUGISHA Van Naris
