Ligue des Champions : Ihiganwa ritanguye n’urukino rumwe rurindiranwe igishika

Yanditswe na MUGISHA Van Naris
Kuya 12 Nyakanga 2017 saa 08:03
Yasomwe : 5391
0 0

Ihiganwa rihuza imirwi yabaye iya mbere mu bihugu vyayo ku bugabane wa Buraya (Ligue des Champions) riratangura kuri uno wa kabiri igenekerezo rya 12 Nyakanga 2017. Mu nkino zitegekanijwe ku munsi wa mbere,urukino ruhuza umurwi wa FC Barcelone na Juventus de Turin nirwo rurindiriwe n’abakunzi b’umupira w’amaguru kw’isi.

Kuva mu murwi A (Groupe A) gushika mu murwi D (Groupe D) inkino zitegekanijwe isaha zibiri n’iminota 45 kuri uno wa kabiri, mu gihe kuva mu murwi E (Groupe E) gushika mu murwi H (Groupe H) inkin za mbere zitegekanijwe kuri uno wa gatatu igenekerezo rya 13 Nyakanga 2017,isaha zibiri n’iminota 45.

Mu murwi A inkino zitegekanijwe uku :Manchester United-FC Bâle mu gihe urundi rukino ruza kuba ari uruhuza Benfica-CSKA Moscou, mu murwi B bimeze uku:Celtic Glasgow-Paris Saint-Germain mu gihe Bayern Munich-Anderlecht, mu murwi C biza kuba bimeze uku:AS Rome-Atlético ,mu gihe MadridChelsea-Qarabag FK, mu murwi D ari nawo wa nyuma ufise inkino kuri uno munsi inkino zikinwa uku:Olympiakos-Sporting Portugal,FC Barcelone-Juventus Turin.

Urukino ruza guhuza umurwi FC Barcelone na Juventus de Turin rurindiriwe n’abantu benshi, kuko vyitezwe ko umurwi FC Barcelone uza gukina ukoresheje ubuhinga bwinshi ufise n’ishavu, inyuma yo gutsindwa n’uwo murwi mw’ihiganwa riheze, mu nkino zibiri zose zo mu gice ca kabiri gishira ica nyuma.

Izindi nkino muri iyi mirwi ine ya mbere, zitegekanijwe kw’igenekerezo rya 27 Nyakanga 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha