Umurwi Bayern Munich wabeshuje amakuru avuga ko ushaka Cristiano Ronaldo

Vyose vyatanguye inyuma yaho umukinyi Cristiano Ronaldo yagirijwe ko hari amakori ava mu bimenyekanishwa hakoresheje ishusho yiwe yategerezwa kuriha, ariko atarishe.

Mw’itangazo yashize ahabona kuri uno wa mbere igenekerezo rya 19 Ruheshi 2017,Karl-Heinz Rummenigge arongoye umurwi Bayern Munich yavuze ko mu gihe c’ici hama hariho abakinyi barondera kugira baze gufasha gukomeza umurwi,ariko ko ibivugwa kuri Cristiano Ronaldo ari ibihuha.

Yavuze ati : «Mu bisanzwe ntidukunda kugira ico dushikirije ku makuru y’ibihuha,ariko kuri iki co, tugomba kubamenyesha aho duhagaze ku vyerekeye Cristiano Ronaldo : Iki gihuha ntigifise ishingiro, kandi gitegerezwa gufatwa nk’ikidafise agaciro.»