Umurwi FC Barcelone waronse umukinyi ashobora gusubirira Neymar

Amakuru dukesha ikinyamakuru jeuneafrique amenyesha ko Ousmane Dembele yamaze kwitwa umukinyi w’umurwi FC Barcelone,inyuma yo gushira amasezerano yo gukinira uwo murwi mu kiringo c’imyaka itanu.

Ikinyamakuru jeuneafrique kikamenyesha ko umukinyi Ousmane Dembele yaguzwe amafaranga yabababa imiriyoni 145 z’amafaranga y’abanyaburaya,bigatuma aba umukinyi wa kabiri aguzwe amafaranga menshi muri kahise k’umupira w’amaguru,inyuma y’umukinyi Neymar.

Kuva bitanguye kuvugwavugwa ko Ousmane Dembele ashobora gukinira umurwi FC Barcelone,uwo mukinyi yaciye asa n’uwuhagaritse gukinira umurwi yahoramwo Borussia Dortimund.

Ousmane Dembele afise amamuko mu gihugu ca Mali,amaze gutumakwo incuro 7 mu murwi nserukiragihugu w’Ubufaransa, awutsindira igitsindo kimwe.