Urwego CNC ruriyamiriza ivyashikiye abamenyeshamakuru 3 b’iradiyo y’imico kama

Yanditswe na IGIHE
Kuya 28 August 2018 saa 03:49
15975
0 0

Urwego rujejwe gucungera ingene ibimenyeshamakuru bikora CNC rumenyeshako rwiyamiriza ivyashikiye abamenyeshamakuru 3 b’iradiyo y’imico kama,aho babujijwe gukora akazi kabo muri komine Ntahangwa mu gisagara ca Bujumbura ejo ku musi wa mbere igenekerezo rya 27 Myandagaro 2018.

Mu kiganiro yahaye abamenyeshamakuru ,umukuru w’urwego CNC Nestor BANKUMUKUNZI yamenyesheje ko abo bamenyeshamakuru 3 babujijwe gukora akazi kabo n’igiporisi,barenganijwe kuko batashoboye gukora igikorwa cari kibazindukanye.

Nestor BANKUMUKUNZI avuga ko abaporisi bashatse kubafata nkabariko barahabura ukutumvikana hagati y’imiryango 2 yariko ipfa itongo ntibemererwa gukora akazi kandi barerekanye ibibaranga.

Uyo arongoye urwego CNC avuga ko naho umuvugizi w’igiporisi yemeza ko abo bamenyeshamakuru batafashwe nabi kubwabo ico bazi aruko batashoboye gukora akazi kari kabajanye.

Nestor BANKUMUKUNZI asaba ko iyo myifato itosubira,akongera agatera akamo ugukorera hamwe kwiza hagati y’abamenyeshamakuru n’izindi nzego mu gihugu ku neza y’abanyagihugu.


Kumenyekanisha

1
Busurahende 29-08-2018 à 09:55

None C.N.C.ntiyofatira ibihano abo babuza abantu kwikorera amabanga bashinzwe. Izi gusa gufatatira ibihano ibimenyeshamakuru gushika n’aho bimwe vyankiwe ko ata bantu bogira ico bashikirije. Mu Burundi biragoye ko ibintu bihinduka ibintu vyifashe gurtyo.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha