Abarundi bane bafashwe bagiye kwinjira muri AL-SHABAAB

Yanditswe na Egide NDUWIMANA
Kuya 12 Nyakanga 2017 saa 03:19
Yasomwe : 48816
1 0

Abarundi bane bafatiwe kuri uwu wa kabiri mu gihugu ca Kenya, mu gihe bari mu rugendo rwobashikanye mu gihugu ca Somaliya. Amakuru atangwa n’igiporisi ca KEnya avuga ko abo barundi bari bagiye kwinjira mu murwi w’iterabwoba wa "AL-SHABAAB".

Ibinyamakuru vyo mu gihugu ca Kenya bivuga ko abo Barundi bafatiwe ahitwa Isiolo mu gatondo ko kuri uwu wa kabiri.

Mu giporisi ca Kenya bamenyesha ko abo barundi baje bava i Bujumbura, bakaba binjiye muri ico gihugu ca Kenya bavuze ko ari ingenzi (Touristes) zije kugendera ico gihugu, ariko mu nyuma bafatwa nk’igihe c’isaha cumi z’ijoro kuri uwu wa kabiri bariko bagerageza kwinjira mu gihugu ca Somaliya.

Igiporisi cabumvirije umwanya utari muto, bahava biyemerera ko bari bagiye muri Somaliya kwinjira mu murwi ukora iterabwoba wa AL-SHABAAB.

Abafashwe ni Ntakarutimana Bernard w’imyaka 41, Niyongere Yusuf w’imyaka 32, Nshimirimana Fulgnce Shadady w’imyaka 31 hamwe na Bizoza Abderauf 20. Bose bari mu minwe y’igiporisi ca Kenya.


Kumenyekanisha

1
Jean Claude 14-09-2017 à 12:45

Bari bibazako muri kenya rwitaha? Reka babaturungikire hama tubacire urubabereye kuko izo ni inkozi z’ikibi.

2
nephtalie 13-09-2017 à 13:06

Birababaje cane kandi bitey’isoni.Ndakeje igihugu ca Kenya cabafashe ni kibashikirize leta y’Uburundi amatohoza aramvuye akore kuko ushobora gusanga har’abandi bar’inyuma y’uwo mugambi mubi ugayitse.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha