Abashingwamanza baburanira ababuze ababo mu 2015 barashigikiye ivyasabwe na ONU

Yanditswe na Vianney BIKORIMANA
Kuya 8 Nyakanga 2017 saa 05:30
Yasomwe : 12078
0 0

Urunani rw’abashingwamanza baburanira abanyagihugu bakozweko n’ubwicanyi n’indyane zo mu mwaka wa 2015 (Collectif des avocats des parties civiles & justice for Burundi) rumenyesha ko rushigikiye icegeranyo c’umugwi w’ishirahamwe w’umuryango mpuzamakungu ujejwe amatohoza aho wasavye sentare mpuzamakungu mpanavyaha y’i La Haye gukora amatohoza ku mabi yakozwe mu Burundi mu mwaka wa 2015.

Urwo runani rumenyesha ko abantu bashika ku 500 batanze ivyemeza ku mabi yakozwe vyerekana ko ihohoterwa ryakozwe ku bantu ryateguwe muri ico kiringo.

Uwo murwi w’abashingwamanza ubandanya uvuga ko iruhande y’ibirego 800 wakiriye, ko hari n’ibindi birego 600 uheruka kwakira imbere y’inama yabaye ku wa 5 Nyakanga uwu mwaka. Bashikiriza ko ivyo birego bazoca babishikiraza izindi nzego z’ubutungane mu kwubahiriza no kudashira ahabona isoko ry’ahavuye ibirego, nk’uko amategeko abitegekanya.

JPEG - 61.4 ko
Armel NIYONGERE, umwe muri abo bashingwamanza

Abo bashingwamanza bavuga kandi ko bazobandanya ibikorwa vyabo bijanye no guharanira ubutungane, kugira amahoro aboneke mu Burundi, mu ntumbero yo kugwanaya ayandi mabi yoshobora gukorwa nk’ayibonekeje muri uwo mwaka.

Abo bashingwamana baburanira abanyagihugu bakozweko n’ubwicanyi bwo mu mwaka wa 2015 bamenyesha ko bazobandanya urugamba biyemeje, mu gushira imbere itegeko ribuza kwica n’ugusinzikaza ubuzima bw’umuntu, ari naco gituma basaba ko abagirwa n’icaha icarico cose ko borengutswa intahe ikabakubita mu gahanga.


Kumenyekanisha

1
ntawukenashaka Davidi 9-09-2017 à 01:10

Natwe nkabanyagihugu turashigikiye ivyashikirijwe na ONU turavyemera nivyukuri kudaseswa.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha