Abubakanye bagiye guhabwa impapuro z’ubugeni zikozwe mu buhinga bushasha

Muri iyo nama nshikiranganji yakoranye irongowe n’umukuru w’igihugu Petero NKURUNZIZA, abagize Reta y’Uburundi barigira hamwe kandi integuro y’itegeko risubiramwo itegeko rikingira amashamba n’ibiti, integuro y’itegeko riraba uburenganzira bw’abagendana ubumuga, umugambi w’igihugu ujejwe kuraba ivy’ugufasha abahuye n’ingorane, integuro y’itegeko riraba ishirwaho, hamwe n’ibikorwa vy’ikigega c’ugufasha abanyagihugu kubaho neza (Fond d’Appui à la Protection Sociale), hamwe n’integuro y’itegeko nshikiranganji riraba ivyosabwa hamwe n’amafaranga yotangwa mu kugira abanyagihugu baronswe impapuro zikozwe mu buhinga bwa none, zihabwa uwuvutse (Certificat de naissance), izihabwa abubakanye (Certificat de mariage) hamwe n’izihabwa imiryango y’abitavye Imana (Certificats de décès).