Général-major Jérémie Ntiranyibagira n’abandi batatu barongoye umuhari FPB bafashwe

Yanditswe na Egide NDUWIMANA
Kuya 23 Gitugutu 2017 saa 08:48
211980
1 0

Abategetsi bane bo mu muhari FPB (Forces Populaires du Burundi) urwanya Reta y’Uburundi bafashwe kuri uwu w’Imana. Muri abo bafashwe harimwo Général-major Jérémie Ntiranyibagira umukuru w’uwo muhari, hamwe na Lieutenant-Colonel Édouard Nshimirimana icegera ciwe.

Abandi babiri bafatanwe n’izo ndongozi za FPB yahoze ari FOREBU ni Libère Nzeyimana batazira Mahopa, hamwe Liberata wo mu buserukizi bw’uwo muhari mu gihugu ca Tanzaniya. Nk’uko vyemezwa n’umuhari FPB, izo ndongozi zine zafatiwe i Ngara mu gihugu ca Tanzaniya, hafi y’urubibe Uburundi buhana na Tanzaniya, ku ruhande rw’intara ya Muyinga.

JPEG - 30.1 ko
Général-major Jérémie Ntiranyibagira umukuru w’umuhari FPB wahora witwa FOREBU

Amakuru atangwa n’uwo muhari avuga ko abo bantu bafashwe n’igendereza rya Tanzaniya ryakoranye n’igendereza ry’Uburundi. Ayo makuru abandanya avuga ko Général-major Jérémie Ntiranyibagira umukuru w’uwo muhari, Lieutenant-Colonel Édouard Nshimirimana icegera ciwe, hamwe n’abo bandi babiri barungitswe mu Burundi, bikavugwa ko boba bashikirijwe ku mugoroba wo kuri uwu w’Imana uwutwara igendereza i Muyinga.

JPEG - 32.2 ko
Lieutenant-Colonel Édouard Nshimirimana icegera c’umukuru wa FPB

Ayandi makuru atangwa n’abegereye uburongozi bw’umuhari FPB amenyesha ko abo bafashwe bari basigaye batumvikana n’umushingamateka Hussein RADJABU yoba arondera uburongozi bwa FPB bufiswe na Général-major Jérémie Ntiranyibagira. Ayo makuru abandanya avuga ko mw’ifatwa ry’abo bantu hoba harimwo uruhara rwa Hussein RADJABU.

Umuvugizi w’igiporisi c’Uburundi, asanzwe ariwe avugira n’igendereza ry’Uburundi ntiyemeza, kandi ntahakana ayo makuru. Petero NKURIKIYE avuga ko ivyabereye ku butaka bwa Tanzaniya vyobazwa indongozi z’ico gihugu.


Kumenyekanisha

1
Nzovu 25-10-2017 à 12:43

@ Nimbona
Iyo uzana u Rwanda muri uwo mwanda wanyu uba ufite ubwenge? Nakazi kanyu ni mumarane rwose. Niba muri abagabo se muzawatse tubereke uko tuwuzimya mu masaha 24.

2
désiré nimbona 24-10-2017 à 13:31

uwuzowatsa uzotangurira mucumba iwe wimukire awusangire n’umugore wiwe n’abana biwe n’imbeba zo munzu iwe uzimirizwe munzu iwe utarasosohoka.Vive le Burundi.Tanzanie si kwakagome!!!!!

3
Hicuburundi 23-10-2017 à 15:21

Mchezo wa Ndani,nta nyeshamba yo hirahira guteramira i Ngara,mu metero 100 z’umupaka w’u Burundi, ivyo turabimenyereye ni agakino ka Peter

4
Mahoro 23-10-2017 à 12:08

Ubumwe nyakuri bw,abahutu n ,abatutsi Oye,oye,oye.

5
mvuzi jonas 23-10-2017 à 11:36

Ko bafashwe nta kundi bisigura ko hashobora kuba harimwo abo bahora bagendana kandi bagenzanya. Gusa nimba bamaze gushikirizwa inzego z’umutekano z’Uburundi amategeko mpuzamakungu niyubahirizwe bakingirwe hanyuma bashikirizwe ubutungane.Nayo kubica vyovyo ko vyamaze kumenyekana twizere ko batakwa ubuzima na kare amategeko y’Uburundi ntiyemera igihano co gupfa.

6
hhh 23-10-2017 à 11:20

aba barabakanda amavya kugeza bavuze abo bakorana aho bari bose.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha