Kenya : Abanyeshure 5 n’umukozi w’ishure 1 bishwe mu gitero

Amakuru ava aho muri Kenya amenyesha ko umwe mu bakoze ico gitero ari umunyeshure yahora yiga kuri iryo shure imbere y’uko yirukanwa ku makosa yo kurwana n’uwundi munyeshure.

Ayo makuru abandanya avuga ko abo bateye baje mw’ijoro binyegeje, barasa umurinzi kugira babone kwinjira.

Abateye barashe abanyeshure b’abahungu 5, bafata ku nguvu abakobwa 2 bongera bakomeretsa abandi 18.

Mwomenya ko ishure Lokichogio riri hafi y’urubibe Kenya ihana n’igihugu ca Sudani y’epfo hamwe n’igihugu ca Etiyopiya. Abantu bagwiriyemwo abungere bo muri ako gace bitwaza inkoho iyo baragiye.