Umukenguzamateka mushasha wa Bujumbura Mairie yatowe

Yanditswe na Egide NDUWIMANA
Kuya 7 Munyonyo 2017 saa 01:09
Yasomwe : 14238
0 0

Norbert BIKORIMANA ni umukenguzamateka mushasha aserukira intara ya Bujumbura Mairie. Yatowe kuri uwu wa kabiri kugira asubirire umukenguzamateka Martin MBAZUMUTIMA yarungitswe guserukira Uburundi mu gihugu c’Ubushinwa.

Muri ayo matora yari ahagarariwe n’umurwi w’igihugu ujejwe gutegura amatora (CENI : Commission Electorale Nationale Independante), uwitoza yari umwe wo mu mugambwe CNDD FDD. Abatoye ni abagize inama mpanuzwajambo y’ama komine atatu ari mu gisagara ca Bujumbura, ariko bo mu mugambwe CNDD FDD, UPRONA hamwe n’abigenga Amizero y’Abarundi. Abatoye bose hamwe ni abantu 47.

Norbert BIKORIMANA wo mu bwoko bw’Abahutu yari yatanze n’umugambwe CNDD FDD kugira awuserukire muri ayo matora niwe yatowe n’abantu 42 kuri 47 batoye.

Inyuma y’ugutsindira ico kibanza c’umushingamateka, ku bice majwi 97 kw’ijana, Norbert BIKORIMANA yamenyesheje ko ari umunezero kuri we, agashimira umugambwe CNDD FDD wamwizeye.

"Ni umunezero ntangere kubona ntowe. Ndashimira umugambwe CNDD FDD watwizigiye ukadushira imbere kugira tuwuserukire muri kino kibanza. Turashimira kandi n’abadutoye tukaba tubemerera ko tugiye kubaserukira nk’uko amategeko abiturekurira."

JPEG - 87.9 ko
Norbert BIKORIMANA, umuhutu wo mu mugambwe CNDD FDD yatowe ku bice 97,6 kw’ijana

Martin MBAZUMUTIMA yasubirijwe yari yatowe mu gisagara ca Bujumbura, ubu akaba yagenwe guserukira Uburundi mu gihugu c’Ubushinwa.


Kumenyekanisha

1
WAKERA 8-11-2017 à 07:27

iyi mbonerakure ivuga ko yatowe gute kwari inkinamico! Nigende ize iraduza ukuboko yemeza amanyanga ngo namategeko ya LETA y’icaduka

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha