IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > Muri Afrika > Côte d’Ivoire : Charles Blé Goudé yagirizwa ivyaha bikomeye

Côte d’Ivoire : Charles Blé Goudé yagirizwa ivyaha bikomeye

mardi 30 Nyakanga 2014

Charles Blé Goudé, umunyanya Côte d’Ivoire, yakorana n’uwahoze ari umukuru w’ico gihugu Laurent Gbagbo, arenguka kuva kw’igenekerezo rya 29 nyakanga imbere ya sentare mpanavyaha mpuzamakungu (cour pénale internationale) mu manza zizokwerekana kwazocibwa urubanza ku bwicanyi, gufata kunguvu n’ibindi vyaha vy’agahomerabunwa.

Uwahoze atwara imiyabaga « jeunes patriotes », Charles Blé Goudé, yikekwako kuba yarimwo mu mugambi wa Laurent Gbagbo wo kuguma ku butagetsi, muri myandagaro umwaka w’i 2010. Mu mezi atanu,abantu barenga 3000 barishwe i Abidjan no mu burengero bw’ico gihugu.

Charles Blé Goudé, kuva ejo, aritaba imanza zibera i La Haye. Ku bwa Fatou Bensouda, umushikirizamanza mukuru wa sentare mpanavyaha mpuzamakungu (CPI), Charles Blé Goudé « niwe abazwa ivyaha bimwe bimwe vy’agahomerabunwa » vyakozwe inyuma y’amatora y’umukuru w’igihugu muri myandagaro umwaka w’i 2010 muri Côte d’Ivoire. Bakamwagiriza kuba yari umwe mubagendana n’uwahoze ari umukuru w’igihugu Gbagbo, agafasha gushira mungiro umugambi w’ubwicanyi

Ibiro vy’umushikirizamanza mukuru bivuga ko hari ivyemezo vyerekana ko Blé Goudé yaha impanuro Gbagbo kandi ko yahabwa amategeko ya Gbagbo. Abakorewe amabi basaba ubutungane kubatunganiriza.


Nadege

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.