Intwaro nziza ni iki

Intwaro n’ikintu kigoye gutahura kuko bamwe n’abandi basigura iryo jambo ugutandukanye,umuntu wese ugasanga arisigura iryo jambo intwaro uko avyunva,mbere hari n’aho insiguro zitangwa usanga zirimwo ibihushane.

Ariko rero n’aho insiguro z’ijambo ubutegetsi usanga zitandukanye ,benshi usanga barisigura begereza gutwara neza.Baba abari mu bisata vya leta canke mu bigenga ,amajambo bahurirako mugusigura intwaro ni:ukuba ufise ivyiyunviro birashe kandi bishika kure,ukugira uburenganzira bwo gufata ingingo,kugenzura no kuraba ko ivyakozwev arivyo vyategerezwa gukorwa,n’ukugira kandi ibisata bitandukanye ukurikirana,mu ntumbero canke mu mugambi uba wihaye.

Intwaro nziza kandi ihamagarira umurongozi canke abo basangiye gutwara kuba umuntu yitwararika ineza y’abo atwara kandi akaba umuntu yumviriza akongera akorohereza abo basangiye ico gikorwa co kurongora abandi.

Intwaro ziri ubwoko bwinshi ariko izikunze kuvugwa cane n’ugutwara ishirahamwe ry’ ubudandaji ,n’ugutwara mu vya politique,ugutwara amashirahamwe ya leta canke ayigenga.

Mu gutwara mu vya politique harimwo gutwara ku rwego mpuza makungu,gutwara akarere no gutwara igihugu,ivyo rero bikorwa mu busumbasumbane bivanye n’ikibanza umwe wese aba afise muri iyo ntwaro.

Intwaro rero yerekeye:

 gutunganya ivy’igihugu ku neza ya bose

 Gutwara amashirahamwe yaba mpuzamakungu ,yo mu karere canke yo mu gihugu

 Gutwara amahinguriro canke ayandi mashirahamwe y’ubudandaji

 Gutwara amashirahamwe y’imibano canke yo kwiteza imbere.