Kirundo: Ukutiga ni kimwe mu ntambamyi z’ iterambere

Ku musi wa gatandatu igenekerezo rya 12 Nzero umwaka wa 2013 umuhanuzi mukuru wa buramatari w’intara ya Kirundo yaramenyesheje ko ukutiga biri mu ntambamyi zikomeye z’iterambere muri iyo ntara.

Intara ya Kirundo rero ngo iri mu ntara zitatu zambere ziri inyuma mu vyo kwiga ugereranije n’izindi ntara zigize igihugu c’ u Burundi.Ivyo bikaba vyashikirijwe mu gihe hariko haratangwa impapuro zemeza ko bakurikiranye ivyigwa bahawe n’ishirahamwe ryo gushirahamwe no gufatana mu mugongo (EMUSO).

Abaronse izo nyigisho bakaba ari abo muri komine Gitobe, Ntega na Bugabira zo mu ntara ya Kirundo.