Accueil > Amakuru > u Burundi > Ngozi : Igipolisi catanguye ibikorwa vyo gukingira isoko nkuru
Ngozi : Igipolisi catanguye ibikorwa vyo gukingira isoko nkuru
samedi 9 Ruhuhuma 2013
Kuri yu wa gatandatu igenekerezo rya 9 Ruhuhuma umwaka w’2013, igipolisi cazindukiye mubikorwa vyo kubomora utuzu twubatse mu mabarabara yinjira mw’isoko hagati, ivyo rero bikaba vyakozwe mu ntumbero yo gukingira isoko.
Nk’uko amakuru dukesha umumenyeshamakuru akorera RPA mu ntara ya Ngozi abivuga, ngo ivyo bikorwa vyo gusambura utwo tuzu vyakozwe kugirango amabarabara yinjira mwisoko agumane ubwaguke bukwiye za kizimyamuriro zishobora gucamwo.
Ivyo rero bizofasha gutabara vyoroshe kuko ibiduga binini binini ndetse n’ibindi bikoresho vyo gukinga impanuka canke vyo gutabara bizoshobora gushika hagati mw’isoko mugihe bizoba bikenewe.
Marie Claire Ingabire