Abafatanwe ikawa batwaye mu Rwanda baciriwe urubanza

Yanditswe na Egide NDUWIMANA
Kuya 31 Myandagaro 2017 saa 09:51
Yasomwe : 13815
0 0

Sentare nkuru y’intara ya Kayanza yaciriye urubanza abantu batandatu bafatanwe ikawa bari bajanye kudandaza mu kinyegero mu gihugu c’Urwanda. Abo bagirijwe ico caha bahawe igihano mu mirwi ibiri. Abaciriwe urubanza bose baremera ivyo bagirizwa.

Umurwi wa mbere ugizwe n’abagabo babiri bafatanwe iyo kawa, bakaba bahanishijwe ugupfungwa imyaka itanu hamwe n’ugutanga amande y’amafaranga y’amarundi ibihumbi ijana.

JPEG - 174.2 ko
Abantu batandatu bafatanwe iyo kawa

Umurwi ugira kabiri w’abo bafatanwe ikawa itwawe mu Rwanda ugizwe n’abasore bane bakorera abo bagabo bene iyo kawa. Abo basore baciriwe umunyororo w’imyaka ibiri n’igice, hamwe n’ugutanga amande y’ibihumbi mirongo itanu umwe wese.

Bose uko ari batandatu baremera icaha bagirizwa, bakaba babwiye abacamanza ko bari bashoye iyo kawa mu Rwanda kubera ariho igiciro kiri hejuru bagereranije no mu Burundi.

JPEG - 123.3 ko
Ibiro 300 vy’ikawa yari itwawe mu Rwanda vyafashwe

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha