Abarundikazi bafatiwe muri Kenya bagiye mu bihugu vy’abarabu bagarukanywe mu Burundi

Yanditswe na IGIHE
Kuya 26 mai 2018 saa 08:32
63630
0 0

Abakobwa n’abakenyezi b’abarundikazi 23 muri 29 bari bajanywe mu bihugu vy’abarabu bagafatirwa mu gihugu ca Kenya, bashikanywe mu Burundi ku muhingamo wo kur’uyu wa gatanu igenekerezo rya 25 Rusama 2018.

Uko ari 23 bazanywe mu modoka nini zunguruza abantu (bus) bashikira ahakorera igiporisi c’inyamiramabi, muri zone ya Jabe, iri muri komine Mukaza, mu gisagara ca Bujumbura.

Muri abo bigeme n’abagore 23, harimwo abari bafise amasakoshi, amavarizi biboneka ko hari ivyo bari bitwaje,abandi nabo bikaboneka ko barushe bivuye ku rugendo bakoze kugira bashike mu Burundi.

Pierre NKURIKIYE avugira ubushikiranganji bw’umutekano no gukinga ibiza, amenyesha ko batandatu muri abo bakobwa basigaye mu gihugu ca kenya, kugira bazokwagirize abagabo babiri bagirizwa kuba aribo bari babajanye mu bihugu vy’abarabu.

Abo bigeme n’abagore bari bafatiwe mu nzu iri aho bita i Westlands,mu gisagara ca Nairobi, kuwa gatatu igenekerezo rya 20 Ndamukiza 2018, mw’isakwa ryakozwe n’igiporisi ca Kenya cari caronse amakuru y’abo bantu boba bariko bitegurira kuja kudandazwa mu bihugu vy’abarabu, nk’uko vyanditswe n’ikinyamakuru "The Star" co mu gihugu ca Kenya.

Kuwa mbere igenekerezo rya 23 Ndamukiza 2018, Sentare ya Kenya yarumvirije abagabo babiri bagirizwa gukora urudandazwa rw’abo bigeme b’abarundikazi bashaka kujanwa mu bihugu vy’abarabu, hamwe no kubakira bakabaha aho baba badakurikije amategeko.

Abo bigeme n’abagore b’abarundikazi 23 bakaba baje baherekwe n’abaporisi bane bo mu gihugu ca Kenya.


Kumenyekanisha

1
SHEMEZIMANA 30-05-2018 à 20:34

Muvyukur ubugizibwa nab muburund bwasazd abajejw intwr badufashe kugwanya ab bagizi banab.

2
Pasco 27-05-2018 à 19:58

Abo Nabarondera Kurya Ivyagusa Batabize Icuya.Erega Naho Mubihugu Vyabarabu Baja,barya Babize Icuya.Ahubwo Abo Bigeme Nibatekerez Bacokere Mugihugu Cabo.

3
Aferky 27-05-2018 à 12:10

Izo ningaruka zubuyobozi bubi aho abenegihugu bagurishwa nkimpene.Ninkokuvuga ngo nubundi twari dupfuye nabi nihahandi.

4
NDAYISHIMIYE leonidas 26-05-2018 à 19:48

Nezegw Namakur Mutugezah.Muraz Ubweng.Imana Ibaj Imber.

5
Didas 26-05-2018 à 19:03

Yoooo,birababajep

6
didas 26-05-2018 à 18:55

Baragizigoran Kweri.Y00000

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha