IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Home > Amakuru > u Burundi > Amafaranga yegeranijwe n’ikigega ca Reta mu mwaka wa 2017 yarenze ayari (...)

Amafaranga yegeranijwe n’ikigega ca Reta mu mwaka wa 2017 yarenze ayari yitezwe

Friday 2 February 2018

Ivyo yabishikirije kur’uno wa gatanu igenekerezo rya 2 Ruhuhuma 2018 ariko ashikirikiza ivyaranguwe n’ubwo bushikiranganji mu mwaka uheze wa 2017.

Domitien NDIHIKUWAYO yamenyesheje ko amafaranga yinjiye mu kigega ca Reta avuye hagati mu gihugu yabaye imiriyaridi 753,72 y’amafaranga y’amarundi, mu gihe ayari yategekanijwe kwegeranywa yangana imiriyaridi 720.287.938.498 y’amafaranga y’amarundi.

Uwo mushikiranganji asigura ko ayo mafaranga yiyongereye kubera ukwitanga kw’abakozi batandukanye b’ubwo bushikiranganji.

Domitien NDIHOKUBWAYO yavuze ko amafaranga yegeranijwe avuye hanze y’igihugu angana imiriyoni 203,8 z’amadorare y’abanyamerika akaba yatanzwe n’ibanki y’isi yose,ibanki y’iterambere rya Afirika BAD hamwe n’ikigega FIDA.

JPEG - 88.3 kb
Domitien NDIHOKUBWAYO,Umushikiranganji w’ikigega ca Reta

Ku bijanye n’amategeko yahinyanyuwe n’ibijanye n’itegeko rijanye no gukura itagisi ku bidandazwa bimwe bimwe kugira imfungurwa zishikire abanyagihugu ku giciro co hasi,ihinyangurwa rijanye no kugwiza akazi n’iterambere hamwe n’ibwirizwa rigenga igisata kijejwe kugenzura amasoko ya Reta.

Ku bijanye n’amasoko ya Reta,Domitien NDIHOKUBWAYO amenyesha ko ico gisata mu mwaka wa 2017, amasoko angana 830 yatanzwe aho gushika ku bice 90 kw’ijana yuguruye k’umuntu uwariwe wese ashoboye guhiganwa.

Ibitekanywa gukorwa mu mwaka wa 2018 n’ubushikiranganji bw’ikigega ca Reta, ni ibijanye no gushiraho no gukoresha ubuhinga bwa none bwo ku rugero rwo hejuru kugira abatunganirizwa bikorwe mu mwanya muto,kurondera amafaranga y’agaciro hamwe no gushiraho inyubako ikigo gitoza amakori n’amatagisi kizokoreramwo.


BIKORIMANA Vianney

Any message or comments?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.