Kenya : Raila Odinga ashaka ko haba Reta mfatakibanza

Yanditswe na MUGISHA Van Naris
Kuya 8 novembre 2017 saa 06:33
Yasomwe : 9198
0 0

Umukuru w’imigambwe itavuga rumwe n’ubutegetsi mu gihugu ca Kenya NASA Raila Odinga, yavuze ko yipfuza ko hoshingwa Reta mfatakibanza yorongora igihugu mu mezi atandatu mu kurindira ko ibibazo vya poritike biri mu gihugu bitorerwa inyishu.

Aho ari mu rugendo mu gihugu ca Reta Zunze Ubumwe za Amerika,Raila Odinga yavuze ko yiteguye kuganira n’umukuru w’igihugu Uhuru Kenyatta ku bijanye no guhindura ibwirizwa nshingiro, aho bamwe bavuze ko bakumiriwe.

Amakuru dukesha iradiyo y’abongereza BBC, amenyesha ko ari aho akorera, Raila Odinga yavuze ko amatora ashingiye ku mukuru w’igihugu atuma agwiza amacakubiri ashingiye ku moko, bitumwe n’uko imiryango yogira umutekano mu gihe uwuva muriyo ariwe arongoye igihugu.

Tubibutse ko Raila Odinga yanse kwitaba amatora ya kabiri, asaba ko muri ico kiringo hoca hahindurwa ibwirizwa shingiro mu ntumbero yo gutunganya gushasha ububasha bw’umukuru w’igihugu.

Naho uwo atavuga rumwe na Reta atitavye amatora,Uhuru Kenyatta yarasanzwe atwara igihugu ca Kenya ,niwe yatsinze amatora ya kabiri yo ku wa 26 Gitugutu ku bice 98 kw’ijana.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha