Kenya : Raila Odinga yahakanye ivyavuye mu matora y’umukuru w’igihugu

Yanditswe na MUGISHA Van Naris
Kuya 1er novembre 2017 saa 09:49
Yasomwe : 8982
0 0

Umukuru w’abatavugarumwe na Reta mu gihugu ca Kenya bahurikiye mu runani NASA Raila Odinga yiyamirije ivyavuye mu matora y’umukuru w’igihugu aca asaba abayoboke biwe kubandanya bagira imyiyerekano mu mahoro.

Raila Odinga yavuze ko amatora y’umukuru w’igihugu yabaye kw’igenekerezo rya 26 Gitugutu 2017 asubiwemwo,agatsindwa na Uhuru Kenyatta yahora atwara igihugu ari inkinamico.

Uwo atavuga rumwe na Reta yaneguye umurwi w’igihugu utegura amatora IEBC avuga ko ibiharuro vyashizwe ahabona vy’abitavye amatora atari vyo, yongera anegura Uhuru Kenyatta avuga ko yihaye ubutegetsi.

Ku ruhande rwiwe,Uhuru Kenyatta yavuze ko ibiharuro vy’amajwi yavuye mu matora vyasubiriye kwerekana ico abanyagihugu ba Kenya bipfuza.

Uhuru Kenyatta yatsinze amatora ku majwi 98 kw’ijana, mu gihe Raila Odinga wewe yahamagariye abayoboke biwe kutitaba amatora.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha