IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > Ubudandaji > Bujumbura: Abiyunguruza basaba Reta gusohora inoti z’amafaranga (...)

Bujumbura: Abiyunguruza basaba Reta gusohora inoti z’amafaranga 100

mercredi 25 Nzero 2017

Abanyagihugu biyunguruza mu gisagara ca Bujumbura bakoresheje imiduga yunguruza abantu,basaba Reta gusohora inoti nshasha z’amafaranga 100 n’ibingorongoro vya 50,mu maguru masha.

Inyuma y’iminsi itari mike hibonekeza ubukene bw’inoti z’amafaranga 100,abanyagihugu biyunguruza mu gisagara ca Bujumbura bavuga ko bagira ingorane iyo hageze kuriha,kuko rimwe rimwe babura amafaranga yo kubasubiza.

Abanyagihugu bafata imodoka zo kwiyunguruza mu gisagara ca Bujumbura, bavuga ko ku bituro bimwe bimwe basabwa gutanga amafaranga mato mato ,ayo nayo akaba ari ikibazo kuko ataho bayakura,ayabonetse nayo usanga ashaje.

Abunguruza abantu bavuga ko basaba abiyunguruza gutanga amafaranga avunje kuko nabo bibagora kuyaronka.Bamenyesha ko ubwo mbere inoti y’1000 yavunjwa amafaranga 950 y’amarundi ariko ubu inoti y’1000 ivunjwa amafaranga 800 y’amarundi.

Umuyobozi mukuru w’Ibanki nkuru ya Republika Jean CIZA avuga ko kuba hari ubukene bw’ibingorongoro batabitahura kuko bari babisohoye ku rugero rukwiye,amenyesha ko bategekanya gusohora inoti nshasha zi 100 gushika kw’igenekerezo rya 10 Ruhuhuma umwaka wa 2017.


IGIHE

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.