Ishirahamwe ASSEJEBA ryafashije imiryango 150 y’abatwa gushingirana imbere y’amategeko

Yanditswe na Vianney BIKORIMANA
Kuya 10 September 2018 saa 02:20
26070
0 0

Ishirahamwe rifasha gutanga karangamuntu ku batwa,gufasha abatwa kubaka biciye mu mategeko no kwandikisha abana b’abatwa batanditswe mu ma komine ASSEJEBA(Association Espoir pour les Jeunes Batwa) ryafashije imiryango 150 y’abatwa yo muri komine ya Muhanga intara ya Kayanza kubaka biciye mu mategeko kuruyu wa gatandatu igenekerezo rya 8 Nyakanga umwaka wa 2018 w’indwi.

Umukuru w’ishirahamwe ASSEJEBA Evariste NDIKUMANA yamenyesheje ko ata terambere rishoboka k’umuntu atagira inkaratasi nki z’amavuka,karangamuntu kuko mu kugira ubugeni zisabwa kandi ingaruka yibonekeza ku miryango itanditswe muri komine aruko abakenyezi bashobora kwirukanwa n’abagabo babo umwanya wariwo wose kuko baba batanditswe.

Evariste NDIKUMANA yasavye abatwa kurondera ivyangombwa vyose no kwiyandikisha kugira baronke uburenganzira buri murundi afise yongera atera akamo Reta gukora ibishoboka vyose kugira abatwa baronke ibibaranga hamwe no kuronsa amatongo ku batwa batayafise.

Uwuserukira Reta Zunze Ubumwe za Amerika mu Burundi Anna Capser yamenyesheje ko iyo miryango y’abatwa 150 yubakanye biciye mu mategeko vyerekana ubwenegihugu kandi vyerekana icubahiro bwa kiremwa muntu.

Anna Casper yavuze ko ata nkeka imiryango imaze kuronka ivyangombwa bitandukanye imaze kubona ubudasa.

Uyo aserukira Reta Zunze Ubumwe za Amerika mu Burundi yateye akamo abatwa kuja mu mashure kugira bashobore gushika k’urugero rw’abandi.

Anna CASPER yaboneyeho akaryo ko kugendera ishure ryo kwimenyereza ryubakiwe abana b’abatwa bo ku musozi Ndava zone Maramvya muri Komine ya Muhanga "NDAVA good Hope Preschool" hamwe no kuraba imirima yarimwe n’ishirahamwe ASSEJEBA yongera arafasha kuyiteramwo imbuto z’ibiraya.

Uwaserukiye abashingamateka hamwe n’abakenguzamateka b’abatwa Goreth BIGIRIMANa yashimiye ubuserukizi bwa Reta Zunze Ubumwe za Amerika mu Burundi ku bikorwa bwama bukorera imiryango y’abatwa.

Goreth BIGIRIMANA yasavye iyo miryango y’abatwa yashingiranye imbere y’amategeko kubungabunga amasezerano yo kubakana basezaranye imbere y’amategeko.

Uwaserukiye musitanteri wa komine muhanga yamenyesheje ko intambwe iyo miryango y’abatwa ishitseko ishitse bari bayirindiranye igishika kuko ishize mu ngiro ivyasabwe n’ubushikirnganji bw’intwaro yo hagati mu gihugu yuko abantu babana biciye mu mategeko.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha