Leonce NGENDAKUMANA amenyesha ko igihe co gihundura ibwirizwa nshingiro kitaragera

Icegera c’umukuru w’umugambwe SAHWANYA-FRODEBU Leonce NGENDAKUMANA amenyesha ko igihe co guhindura ibwirizwa nzhingiro ry’Uburundi kitaragera, kuko hakiri ibibazo vya politike bitaratorerwa umuti.

Kubwa Leonce NGENDAKUMANA icegera c’umukuru w’umugambwe SAHWANYA-FRODEBU ,igihugu c’Uburundi kiri mu ndyane za politike ivyotuma ibwirizwa nshingiro ridahindurwa.

Leonce NGENDAKUMANA amenyesha ko, ico kwihutira atari guhindura ibwirizwa nshingiro, ariko ko ari ugutorera inyishu ibibazo vyugarije abarundi, na cane cane ibijanye n’amabi akorwa mu gihugu cose.

Ku rundi ruhande, Jean de Dieu MUTABA arongoye umugambwe RADEBU amenyesha ko ibwirizwa nshingiro rikwiye guhindurwa kugira rijane n’ibihe igihugu kigezemwo.