Incamake

Umunyamabanga mukuru w’umugambwe FRODEBU Nyakuri yakuwe mu mabanga

Yanditswe na MUGISHA Van Naris
Kuya 6 juin 2018 saa 10:56
52935
0 0

Komite nkuru y’umugambwe Sahwanya FRODEBU Nyakuri Iragi rya NDADAYE wahagaritse mu mabanga David NIYONCUNGU yahora ari umunyamabanga mukuru w’uwo mugambwe. Kefa NIBIZI arongoye uwo mugambwe, amenyesha ko mu vyatumye ahagarikwa mu mabanga, ar’uko atarangura neza amabanga ashinzwe.

Mw’ikete umukuru w’umugambwe Sahwanya FRODEBU Nyakuri Iragi rya NDADAYE, Kefa NIBIZI, yandikiye umushikiranganji w’intwaro yo hagati mu gihugu, amenyesha ko, mu gihe kw’igenekerezo rya 3 Ruheshi 2018 hari hategekanijwe inama idasanzwe yiga uko imyiyamamazo yagenze, abari muri komite nkuru y’umugambwe ku rwego rw’igihugu 35 kuri 44 bayigize banditse basaba ko hakorana inama idasanzwe yiga ku kibazo ca David NIYONCUNGU.

Muri iryo kete, Kefa NIBIZI, arongoye umugambwe Sahwanya FRODEBU Nyakuri Iragi rya NDADAYE, amenyesha ko mw’ikete abo 35 banditse, bagiriza David NIYONCUNGU umunyabanga mukuru w’umugambwe kuba atarangura neza amabanga ajejwe, no kuba afise imyifato ishobora gutuma ibikorwa vy’umugambwe bisubira inyuma.

Kefa NIBIZI amenyesha ko abagize komite nkuru y’umugambwe bamaze guhanahana ivyiyumviro, bashize ahabona ivyemeza ko David NIYONCUNGU adashoboye kurangura neza amabanga y’umunyamabanga mukuru w’umugambwe, hamwe n’imyifato yiwe ituma umugambwe usubira inyuma aho gutera imbere.

JPEG - 41.7 ko
David NIYONCUNGU, yakuwe mu bunyamabanga bukuru bw’umugambwe FRODEBU Nyakuri

Umukuru w’umugambwe Sahwanya FRODEBU Nyakuri Iragi rya NDADAYE, avuga ko bamaze gushira hamwe iviyiyumviro bagatanga umwanya kandi kuri David NIYONCUNGU wo kwisigura, bafashe ingingo yo guhagarika David NIYONCUNGU mu bunyamabanga bukuru bw’umugambwe, gushika habaye ihuriro ry’umugambwe rizovuga kuri kazoza kiwe.


Kumenyekanisha

1
zebras 9-06-2018 à 16:30

emw ahubwo abant bakaguma bakwiy kuja barava mumabanga kuk usanga binygjmwo ikibi nka mw nk’abamenyeshamakuru kumwanya mwamaz muri synergie be muza muhanura abanyepolitike

2
Renovat 8-06-2018 à 20:26

Guhindura Nivyiza Adakora Non Igihugu Gitezwa Imbere Nuguhimiriza Abo Utwara

3
Busurahende 8-06-2018 à 16:30

Twari twaravivuze yuko yazize kuvugisha ukuri. Ntibitevye abamukuye buca babashengeza kuko isake imaze kubika : uwishe, uwashigikiye ikinyoma, abasuma n’abangushi...abo baramenje. Nta matora yabaye mu muco n’abari barabipanze vyaraye bibasambukanye ....i Bugendana.

4
ET.OO 7-06-2018 à 20:32

arihangana.inyana.yiswe.namata.ntawundi.mwerera.nibamuhisuka.ajekurima

5
Havyarimana Leonard 7-06-2018 à 14:45

Uburundi Burakeney Abantu Bimvuga Kuri.Arko Nuko Uwuz Ukuri Akuzira.Imana Idufashe Cane

6
MAKOBERO 6-06-2018 à 22:09

AZIZE KUVUGA IBITAGENDA NEZA MBE WOBA URI MUKWAHA HANYUMA UKAVUGA KO HANUKA ?

7
Busurahende 6-06-2018 à 12:50

Oya Niyoncungu azize kutemera yuko amatora yagenze neza nk’uko ibihemu vyirirwa bibesha ngo amatora yabaye mu muco. "Ukuri guca mu ziko ntigusha"

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha