ONU imenyesha ko inzara ibangamiye amamiliyoni y’abantu ku mugabane wa Afrika

Ishirahamwe mpuzamakungu ONU rimenyesha ko ikiza c’inzara kibangamiye abantu baharurwa mu mamiliyoni mu bice nka vyose vy’umugabane wa Afrika.

Nkuko biri mu cegeranyo c’ishirahamwe mpuzamakungun ONU, muri uyu mwaka inzara irageramiye umugabane wa Afrika ku buryo budasanzwe, aho igihugu ca Sudani y’Ubumanuko gishirwa mu biza imbere.

Abahinga bavuga ko imvo nyamukuru ituma haba inzara, ari intambara, ariko uruzuba rwibonekeza mu bice bitandukanye rukaza rwunyura mu gutuma haba ibiazo bikomeye vy’inzara.

Ishirahamwe mpuzamakungu ryitaho abana UNICEF rigabisha ko abana umuliyoni n’amajana ane bashobora gupfa bahitanywe n’inzara mu bihugu vya Nijeriya, Sudani yo mu y’Ubumanuko, Somaliya na Yemeni.