Umugambwe Frodebu Nyakuri basaba ONU kwitondera ingingo zofatirwa Uburundi

Yanditswe na Vianney BIKORIMANA
Kuya 22 Nyakanga 2017 saa 11:01
Yasomwe : 16776
0 0

Umugambwe Sahwanya Frodebu Nyakuri Iragi rya Ndadaye utera akamo igisata c’umugwi mpuzamakungu ONU kijejwe agateka ka zina muntu hamwe na sentare mpuzamakungu mpanavyaha CPI kuzokwitondera gufata ingingo ku vyerekeye Uburundi, uwo mugambwe ugasigura ko icegeranyo giheruka c’abahinga bajejwe amatohoza mu Burundi ko batumvirije abantu bose ku rugero rumwe kandi ko uwo murwi washizemwo indezarugero mu kudoma urutoke ku bagirwa.

Mu mugambwe Frodebu Nyakuri Iragi rya Ndadaye bashikiriza ko imbere ya vyose, abakoze ayo matohoza bari kubanza kwiyamiriza abashatse gutembagaza ubutegetsi, abatunganije imyiyerekano n’ubugizi bwa nabi hamwe n’abashinze imigwi igwana mu gihugu carangwamwo umutekano.

Mu mugambwe Sahwanya Frodebu Nyakuri bavuga ko uko ishirahamwe mpuzamakungu ryari kwirinda guhengama mu gushigikira uruhande rumwe, mu vyabaye mu mwaka wa 2015.

JPEG - 15 ko
Keffa NIBIZI, umukuru w’umugambwe SAHWANYA FRODEBU Iragi rya NDADAYE

Muri uwo mugambwe Sahwanya Frodebu Nyakuri Iragi rya Ndadaye basigura ko mu gihe vyoguma uko bimeze ubu, icarico cose cokorwa na sentare mpuzamakungu mpanavyaha ko ata nyishu cotanga, kuko vyonezera uruhande rumwe urundi narwo rugakumirwa.

Muri uwo mugambwe basaba igisata mpuzamakungu ca ONU kijejwe agateka ka zina muntu gushikiriza uko Uburundi bwifashe badahenganywe, hamwe no kutihutira gufata ingingo ataco zifasha Abarundi kiretse kubacanishamwo.


Kumenyekanisha

1
Papy Ivy Zikurakure 6-10-2017 à 06:18

Keffa, sindi mu mugambwe urimwo mugabo ndagushigikiye kuciyumviro cawe. Abakwagiriza ko wariye amafanga mu ba DD ntitwibaza ko biyumvira ko IMVUGAKURI ITARINDA AGAHEMBO.

2
Augustin 22-09-2017 à 15:42

Keffa, Amahera baguye uhaye urayishura kweli bandanya ariko impera nimperuka Intahe izofata ijambo. Biratangaje kubona Uburundi buriwe nabari kubukingira. Nimba ataco mwiyagiza reka ubutungane bubeze. Keffa reka kugurisha igihugu na Barundi kubw ida yawe gusa uvuga ibitakwerekeye ntuhave nawe uzoza murutonde rwabatugiriye nabi. Nimba mugomba guhinyuza icegeranyo ni mutange abantu bose bavugwa ko banyurujwe bababone murabe ko mutaca muba abere. Imigwi igwana ko muriko muyemera ubu kandi kuva kare hose mutayemera boza gutohoza kumigwi idahari? Sha nokabaye hafi nomwibariza neza abacu iyo ababitse. Kimwe buzoca kandi Ukuri kuzocinda impera nimperuka mumamaramare. Enda ntimwogira umutima wo kwubaka igihugu canyu mureke kwisamburirako nki hene?

3
Karikurubu 22-09-2017 à 15:36

Wewe Keffa uba uhaze Amstel waguriwe n’aba DD,urashobora kudedemba uvuga ONU wewe? numa hakiri kare utabigwamwo

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha