Accueil > Amakuru > ishirahamwe > WAP-Burundi yatunganije urugendo rw’amahoro kuri uwu wa gatandatu
WAP-Burundi yatunganije urugendo rw’amahoro kuri uwu wa gatandatu
vendredi 15 décembre 2017
Mw’itangazo ishirahamwe WAP ryasohoye kuri uwu wa gatanu igenekerezo rya 15 Kigarama 2017, rimenyesha ko umufasha w’umuhuza yatunganije ibiganiro birimwo bose, naho nyene hari amashirahamwe akorera adaharanira ivyicaro vya poritike akorera mu Burundi atatumiwe.
Muri iryo tangazo, umukuru w’ishirahamwe WAP-Burundi Rose NTAWE, amenyesha ko ishirahamwe arongoye rishima ibikorwa vyaranze abitavye ibiganiro, aho berekanye ko bashigikiye ubwigenge bw’igihugu.
Ishirahamwe WAP-Burundi rimenyesha ariko ko ribabazwa n’inyifato ya bamwe mu bitavye ibiganiro berekanye ko bagishigikiye abahungabanye abanyagihugu n’inzego zirongoye igihugu, babicishije mu nyandiko.
Ishirahamwe WAP-Burundi rihamagarira ayandi mashirahamwe n’ababishoboye bose kwifadikanya nabo, mu rugendo rw’amahoro rwatunganijwe ku civugo :’’ Dushigikire amahoro, inkingi y’iterambere rirama.’’
Nk’uko biri muri iryo tangazo, urwo rugendo ruzotangurira mu kibanza citiriwe Ishirahamwe Mpuzamakungu ONU kiri mu Ngagara hafi y’isoko ya COTEBU, igihe c’isaha zibiri z’igitondo kuri uwu wa gatandatu.
MUGISHA Van Naris
