’’Bamwe mu bajejwe intwaro n’umutekano baraburagiza abitaba imyiyamamazo yacu’’

Yanditswe na MUGISHA Van Naris
Kuya 8 mai 2018 saa 09:44
70455
0 0

Umukuru w’Urunani rw’Abigenga Amizero y’Abarundi akaba n’icegera ca mbere c’umukuru w’inama nshingamateka, umushingamateka Agathon RWASA, avuga ko umurwi w’abantu wagiye ahabona ukavuga ko userukira Urunani rw’Abigenga Amizero y’Abarundi utazwi mu runani arongoye. Agasaba umukuru w’umurwi utegura amatora CENI gukoresha ubushobozi ahabwa n’amategeko, mu guhagarika ico cose kiriko gihungabanya imyiyamamazo y’Urunani rw’Abigenga Amizero y’Abarundi mu gihugu cose.

Mw’ikete umukuru w’Urunani rw’Abigenga Amizero y’Abarundi, yandikiye umukuru w’umurwi CENI kuw’Imana igenekerezo rya 6 Rusama 2018, amenyesha ko bamwe mu bajejwe intwaro n’abajejwe umutekano babuza abanyagihugu kwitaba imyiyamamazo y’Urunani rw’Abigenga Amizero y’Abarundi.

Muri iryo kete, umushingamateka Agathon RWASA avuga kandi ko hari akarwi karongowe n’uwitwa Reveriyano NIYIMPA yahoze avugira Yakobo BIGIRIMANA arongoye umugambwe FNL wemewe n’ubutegetsi batunganije ikiganiro ku bamenyeshamakuru mw’izina ry’Urunani rw’Abigenga Amizero y’Abarundi, abajejwe intwaro n’abajejwe umutekano ntibagira ico bakora kandi batazwi mu Runani.

Umushingamateka Agathon RWASA yibutsa ko Urunani rw’Abigenga Amizero y’Abarundi arongoye, arirwo rwonyene rwiyandikishije mu murwi CENI kugira rugire imyiyamamazo y’amatora yo kwemeza canke guhakana ibwirizwa nshingiro.

Umukuru w’Urunani rw’Abigenga Amizero y’Abarundi, ahamagarira umukuru w’umurwi CENI n’abajejwe intwaro gukurikiranira hafi abahungabanya imyiyamamazo y’Urunani rw’Abigenga Amizero y’Abarundi,mu ntumbero yo kwubahiriza amategeko n’umutekano.


Kumenyekanisha

1
Chumvi 13-05-2018 à 20:35

Nyakubahw Mutama Wacu Uwomugwi CENI Nudutunganirize Barekekutwivanga Kuk Baratwikuyeko Nibarek Kuduhubishiriza Abanywanyi. Nibaturek Twikombatire.

2
Muporoto 10-05-2018 à 14:52

Mutama,urunani,tuzi Ruzotora oya Je,nabonye,imodoka, Iriko,igitambara,canditse,amizero Iva,igitega,isemerera Tora, Ego,vyarahindutse ?Turi,mwibice ?Mutama Dusobanurire

3
Pasco 10-05-2018 à 07:05

Agatho Twaramusezereye.Narye Utwanyuma.Ariko Arye Abika,abikira Manda Yinyuma Ya 2020.Kuko Ntavyiyumviro Vyuguruts Atanga.

4
THANCIEN 9-05-2018 à 21:31

NZOTORA,AHARIBESHI

5
Gateka 9-05-2018 à 12:39

Ariko Rwasa arya ibiki ?
Niyicare atwarwe mubandi kuk bwaranyuranwe ubutegetsi,,
Haratevye kugera tuze kwemeza mutama
Mumuve kugikano yihemera
Abotuzotora #Ego oyeeeeee

6
niyungeko sositeni 9-05-2018 à 11:21

ah ntubesha twebwe turimumahang turicuza umubyey wacu nagiricakor adutahukan mugihug cac

7
OKAY 9-05-2018 à 10:18

Nibagombe bacishe ubutumwa bwabo mubavugishwa, twe twahisemwo ko tuzotora OYA. Nibanyarutse bave kungoma ntaco bamariye igihugu. Kuvaho tubatoreye gushikubu turacari abanyuma mubutunzi kwisi yose. reta yamiza amaboko mukirere itakambira ayandi mareta. muratumaramaje nukuri

8
NIYUNGEKO ALEX 8-05-2018 à 17:07

VYOBA VYIZA ATAWUHOWE UBUSA BOSE NIBIYAMAMAZE KANDI BAREKE KWINJIRIRA UWUNDI KUKO AMATORA NIBISANZWE AHUBWO NUGUSHIRINGUVU NUBWENGE KUBIKOGWA HARUWURI HANZE UBU YICUZA ICAMUKUYE MUGIHUGU CIWE

9
Nshemezimana Onesime 8-05-2018 à 13:40

Jewe aho Mperereye nta mu porisi, Nta Musirikare, Nta Muntu Ari Mu Ntwaro arambuza kuja kwumviriza abiyamamaza. Kandi Barabazi Ko Ivyo Bigisha Twavyumvise Ni *oya*. Nibashake Bareke Kwiyamamaza .Twaraciye Ubwenge Tuzotora"ego".

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha