Menya indirimbo zatowe ku ncuro ya mbere muri "Isanganiro Awards"

Amakuru dukura ku rubuga ngurukanabumenyi rwa Radio Isanganiro, avuga igikorwa ca mbere c’umurwi ujejwe gutunganya "Isanganiro Awards" caheze. Ayo makuru avuga ko ico gikorwa kitoroshe na gato na rirya indirimbo zariko zihiganwa zaba zimeze neza zose. Indirimbo 20 nizo zatowe ku muhingamo wo kuri uwu wa mbere igenekerezo rya 25 Nyakanga. Urutonde rw’izo ndirimbo rwasohotse kuri uwu wa kabiri igenekerezo rya 26 Nyakanga.

Urwo rutonde rw’indirimbo mirongo ibiri ni uru rukurikira :

1. Ntabundi buhinga(Peace&Love)
2. Burundi Bwacu (Franck na Chany Queen)
3. Burundi(Yves Kami)
4. Akiwacu (Fabylove&Floris)
5. Barafashanya (Donatien)
6. Freedom (Vestine)
7. Haranira Amahoro (Peace&Love)
8. Hindura (Pisco Melody)
9. Ibisazi (Prince Zoé Big)
10. Iyamirize (Natacha)
11. Mawe (Chany Queen)
12. Ndabibona (Esther Nish)
13. Stress (BFace&Yoya)
14. Tube Umwe (Bernice Fin)
15. Turahuza (Gisa Steve)
16. Urukundo (gospel GN (
17. Vuga (Vestine)
18. Mfura ya Maman(Marembo)
19. Mapenzi (André)
20. Ubibona Gute(Délos).

Izo ndirimbo zatowe hisunzwe imwe imwe yose yavugijwe mu nsamirizi n’ahandi, ubutumwa buri mu ruririmbo, hamwe n’uko ururirimbo ruri mu Kirundi, ubuhinga n’umudiho rukozwemwo.

Ayo makuru nyene arakura amakenga ku kibazo c’uko harimwo indirimbo zirenga imwe z’umuririmvyi canke umurwi w’abaririmvyi. Inyishu ni uko ihiganwa rya "Isanganiro Awards" rifise intumbero yo guteza imbere indirimbo atari umuririmvyi ubwiwe.