Uburundi bwakiriye inama nshikiranganji y’ibihugu bikoresha amazi y’uruzi Nil

Yanditswe na IGIHE
Kuya 13 August 2018 saa 02:09
16110
0 0

Uburundi bwakiriye kuruno wa mbere igenekerezo rya 13 Myandagaro umwaka wa 2018,inama nshikiranganji igira ya 26 y’ibihugu biri mu muryango wibikoresha amazi y’uruzi rwa Nil (Bassin du Nil) ibiza kwigwamwo bikaba bijanye n’iterambere vya Nil hamwe nuko ubutunzi kama vy’urwo ruzi vyokoreshwa.

Icegera ca kabiri c’umukuru w’igihugu Joseph BUTORE mw’ijambo ryo kugurura iyo nama, yasavye ko uruzi Nil rwokingirwa hongere habungwebungwe ubutunzi kama bwaco kuko kwitaho urwo ruzi biva kugushirahamwe kw’ibihugu bikoresha amazi yarwo.

Joseph BUTORE yavuze ko abitavye iyo nama barabira hamwe imigambi bamaze kurangura,intambanyi bahura nazo kugira bashobore kwiga uko batorera inyishu zihanze ishirahamwe ryabo.

Umushikiranganji w’ibidukikije ,uburimyi n’ubworozi Deo Guide RUREMA yamenyesheje ko gukorana hamwe kw’ibihugu bikoresha amazi ya Nil arivyo bizotuma bateze imbere igisata c’amazi hamwe no gushika kw’iterambere rirama murico gisata.

Deo Guide RUREMA yavuze ko ibihugu bikoreye hamwe bizotuma bubaka ukwizerana hagati y’ibihugu bikoresha amazi y’uruzi Nil bitume baronka akunguko kugira ubutunzi bw’urwo ruzi babukoreshe.

Ibihugu bikoresha amazi y’uruzi Nil ni 10 arivyo Uburundi, Repuburika iharanira intwaro rusangi ya Kongo,Misiri, Erythrée,Etiyopiya,Kenya, Urwanda, Sudani,Uganda hamwe n’igihugu ca Tanzaniya.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha