Umukuru w’igihugu yasavye ko haba umunsi w’ibikorwa rusangi vyahariwe gukingira ibidukikije

Yanditswe na MUGISHA Van Naris
Kuya 2 mai 2018 saa 10:51
7515
0 0

Umukuru w’igihugu Petero NKURUNZIZA, ahamagarira abarundi kwitaho cane gukingira ibidukikije. Asaba ko umunsi umwe mu kwezi mu yahariwe ibikorwa rusangi woshimikira ahanini ku gukingira ibidukikije.

Mw’ijambo yashikirije kur’uno wa kabiri, igenekerezo rya 1 Rusama 2018, ku munsi mpuzamakungu wahariwe abakozi n’akazi, mu ntara ya Rutana, umukuru w’igihugu yavuze ko ibidukikije bifise uruhara rukomeye mu buzima bw’igihugu n’abanyagihugu.

Umukuru w’igihugu Petero NKURUNZIZA yavuze ko muri ivyo, harimwo amazi, ayo nayo akaba akwiye gukingirwa bikomeye, na cane cane hakoreshejwe ubuhinga bwo kwubaka ibigega vyo kwegeranya amazi mu ngo z’abantu.

Muri iryo jambo, umukuru w’igihugu yasavye ko mbere aho vyoshoboka, abanyagihugu bofashanya mu kwubakiranira ivyo bigega, kugira begeranye ayo mazi, ashobora kuzoba azimvye gusumba igitoro mu mwaka wa 2050.

JPEG - 49.8 ko
Petero NKURUNZIZA, Umukuru w’igihugu c’Uburundi

Umukuru w’igihugu, ntityibagiye guhamagarira abarundi, kwitaho guca imikobeko ikingira inkukura ku misozi, kuko bimaze kuboneka ko, inkukura iri mu bituma imyuzurira itera, na cane cane mu bibanza biri munsi y’imisozi.

Umukuru w’igihugu yasavye abajejwe intwaro kuva ku rwego rwo hasi gushika ku rwego rwo hejuru, gutunganya ibikorwa rusangi vyo gukingira ibidukikije, n’imiburiburi rimwe mu kwezi.


Kumenyekanisha

1
ismaile shombo ndikubwayo 4-05-2018 à 11:49

nyakwubahwa kuva 2005 tugutora imigambi yarimyiza na portike yagenzeneza bivanye nukwihanganira birya binywamaraso vyari vyarigometse mukugandagura abategetsi twitoreye ok impinga nindende ntakabikawe mutama nurabe muhererekanye ubutegetsi kugirango umugambwe cndd fdd ugumane ishema ryukubisanya kubutegetsi namwe muhabwamateka yugutsimbataza demokarasi ninaho mwoshobora gutunganya izabukuru neza murarabe ntimube nka havyarimana amateka meza yamuhindukanye mabi canke mugabe yavyutsasanga bamwimikiyeko gutanga kuneza numunezero ntangere nomubenegihugu bawe

2
Niyonzima 4-05-2018 à 06:32

Andika hano Komera Kungoma Imigambi Yawe Irashe Niyo Ituma Dukunda Uburundi Utwigisha Kazoza Nakubu Jewe Ibitinate Nuvis Ndabone Neza Inyama Yumwaka Nokwaka Nideni Bakarimpa Ibidukije HosubiraHo Muburere Bwose Hagahimirizwa Pikinyeri Iraba Umutumba

3
Ndaho 3-05-2018 à 03:18

Umugamba ni mwiza

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha