Bujumbura : Abakobwa basigaye bitaba ibiteramo basa n’abari gusa

Imico y’Uburundi ntivyari bimenyerewe kubona abakobwa bagenda gusa. Mu biteramo bibera mu gisagara ca Bujumbura, hasigaye haboneka abigeme bambika impuzu igice gito cane c’umubiri wabo, bariko baratamba naho, bagasigara batamba bari uko baremwe.

kuri iyi "photo" agahuzu ko munsi karaboneka

Izo nyambaro kenshi na kenshi abakobwa bazambara iyo bagiye mu bibanza bihurirwamwo n’abantu benshi cane cane mu biteramo. Akarorero ka hafi, ni mu giteramo giherutse aho habonetse umukobwa yambitse igice gito c’umubiri, ndetse bigasa n’aho yari yambaye izuba.

Nk’uko mubibona ku mashusho, agahuzu ko hejuru yari yambaye kari akayobera bahinga, kuko inda, umugongo, umukondo, eka n’amabere vyose vyari hejuru. Hepfo, uyo mwigeme yambaye aka "jipo" aho biboneka ko ataco akambariye kuko ataco kahisha, vyose vyaboneka.

Avuye hasi aja gutamba hoho, n’agahuzu ko munsi y’ako kamanyu k’ijipo yiwe karaboneka. Eka n’ubwoko bw’intambo baca batamba bambaye izo mpuzu buratangaje, ntawuzi ko iyo ntambo ivana n’impuzu baba bamabye. Aka n’akarorero kamwe muri bwinshi. Ivyo rero bikaba vyabera imbere y’abitavye ibiteramo barimwo abana n’abavyeyi, eka n’urwaruka.

Abantu isinzi bariko barorera

Aba n’abandi bakibaza ni ba ari itera mbere ry’umuco ndundi canke ari gutituka kw’umuco.

Intambo ziyobeye