Umurwi Question G wagarutse inyuma y’agacerere

Umurwi ?-G wasohoye ururirimbo wise"come back", ururirimbo rusohotse mu gihe umwe mu bagize umurwi ari mu rugendo mu mahanga.

Hari haheze igihe kitari gito abaririmvyi bo mu murwi wa ?-G(Question G) badasohora indirimbo bari kumwe bose. Inyuma y’ururirimbo "Nilipi Kosa" rwaririmbwe na Josdy yikoranye mu ntango z’umwaka, uwo murwi ntuwaruhertse gukorana. Aba n’abandi baribaza ko umurwi woba warasambutse.

Question G wasohoye urwo ruririmbo wise "Come back" mu gihe umwe muri bo ari we Alby Wamandalinho ari mu rugendo mu gihugu c’Ubushinwa, ariko bivugwa ko yagiye ahejeje gushiramwo amajwi yiwe.

Tubamenyeshe ko Question-G ugizwe n’imisore 4: Josdy Prince Yossi, Terry West, Alby Wamandalinho, na Lil’Sosso.

Abagize ?-G: i bubamfu: Josdy, Terry West(yicaye), Alby Wamandalinho, na Lil’soso

Umviriza ururirimbo ruvuga ivy’urukundo"come back" rwa Question-G