Singapour : Umukuru w’igihugu wa mbere w’umugore yagenwe

Yanditswe na Vianney BIKORIMANA
Kuya 13 septembre 2017 saa 02:39
Yasomwe : 8154
0 0

Halimah Yacob niwe yagenywe n’igisata c’igihugu kijejwe amatora kugira abe umukuru w’igihugu ca Singapour ata matora arinze kuba.

Halimah Yacob yashoboye gutsindira ico kibanza hatarinze kuba amatora bivuye ku mahinduka yabaye mu mwaka wa 2016 atanga akaryo kangana ku baserukira imiryango y’amakoko ari mw’ico gihugu kuja ku butegetsi bw’igihugu.

Bivugwa ko hari haciye imyaka 52 umukuru w’igihugu ava mu bwoko bw’aba "Malais" atwaye ico gihugu, uwaheruka w’uwo muryango akaba yatwaye mu mwaka w’1965.

JPEG - 39.7 ko
Halimah Yacob

Halimah Yacob w’imyaka 63 ava mu bwoko bw’aba "Malais" abaye umugore wa mbere atwaye igihugu ca Singapour, yatanguye ibikorwa vyiwe vya poritike mu mwaka wa 2011, mu mwaka wa 2011 aba umushikiranganji w’urwaruka n’inkino, mu mwaka wa 2013 gushika 2017 naho aba umukuru w’inama nshingamateka ya Singapour.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha