Accueil > Amakuru > Mu makungu > Algeria : Abanyuruje Hervé Gourdel imbere y’uko yicwa bamenyekanye
Algeria : Abanyuruje Hervé Gourdel imbere y’uko yicwa bamenyekanye
mercredi 1er Gitugutu 2014
Umushikiranganji w’ubutungane wa Algeria, Tayeh Louh, yamenyesheje kuri uwu wa kabiri, ko mu matohoza bakoze bashoboye kumenya bamwe mu bagize wa murwi Jund al-Khilafa wanyuruza Hervé Gourdel kw’igenekerezo rya 21 Nyakanga, mu nyuma agahava yicwa.
- Hervé Gourdel
Umushikiranganji Tayeh Louh yamenyesheje ko ivyavuye mu matohoza ya mbere vyamenyekanishije bamwe mu bari murwi w’iterabwoba wakoze ubwicanyi mu guca umutwe umufaransa Hervé Gourdel kuwa gatatu igenekerezo rya 24 Nyakanga.
Uwo mushikirangji w’ubutungane Taheh avuga ko Sentare yatanze imitahe yo guhagarika abo bicanyi, ubutungane nabwo bukaba bwarungitse umurwi ubandanya amatohoza, mu ntumbero yo kumenya abasigaye bataramenyekana bari muri uwo murwi w’inkorabara.
Tubibutse ko Hervé Gourdel, w’imyaka 55, yanyurujwe ku birometero ijana mu buseruko bwa Alger n’umurwi Jund al-Khilafa, kw’igenekerezo rya 21 Nyakanga. Uwo murwi wamwishe bunyamaswa, mu kwihora Ubufaransa bwiyemeje kurwanya ishirahamwe riharanira Reta y’igislamu.
Nadège Irakoze
